زكرية فى كلية الحقوق (المشهد الخامس) زكريا والكمين

زكريا والكمين

احد المارة:منيب ياسطى 
زكريا :ايوة  اية دا استنى انت بذقن لا مفيش مكان 
(ينطلق زكريا بالميكروباص  وفجاة يجد لجنة )
زكريا: اية دا لجنة الله يخرب بيتك ياعمى هتودينا فى دهيا  اعمل اية دلوقتى 
(ان لله وان الية راجعون ) دى كانت الكلمات المكتوبة على عربية الموتى 
زكريا :ايوة فرجت انا احسن حاجة امشى خلف عربية الموتى وكانى من اهل الميت (الله يرحمة)
بقولك اية يا ست ممكن لما نيجى عند الكمين تصوتى 
موزة فى العربية:انا ياخويا 
زكريا :لالا انتى لا دانتى تفضحينا بلبسك دا فى واحدة طالعة على ميت بلبس زى الراقصين
الموزة :زى لية هو فعلا لبس راقص اصلى انا راقاصة ها ها (ضحكة سفلة )
زكريا :بقولك اية انتى حاولى تدارى انا بقلم الحاجة الى جانبك قولتى اية ياحاجة
الحاجة:ابا ابا 
زكريا :نعم انتى بتقولى اية
الموزة :اصلها خارسة ياخويا يعنى مفيش غيرى هاها(نفس الضحكة السفلة)
زكريا :امرى لله بس صوتى 
الموزة :بس انا مبعرفش اصوت ممكن اضحك هاها (سفلة)
زكريا : بسى اول مانقرب من الكمين قولى قولى اة (ياجملى سايبنى ورايح فين ياخويا هعمل اية من بعدك )ماشى
الموزة :ماشى امرى لله 
(يقترب زكريا من الكمين وهو خلف عربية الموتى )
زكريا :يلا ابدائى 
الموزة :تقول اللى زكريا حفظهولها 
ضابط الكمين:اقف اقف انتو رايحين فين 
زكريا :(وهو يبكى )طالعين ورا الميت الله يرحمة
الضابط :لاكن عربية الميت فاضية 
الموزة:(تتحدث الى الضابط بحنية وتنظر الى عينية) اصل احنا لسة رايحين نجيبة 
الضابط: ها( ويمسح عرقة مع اننا فى الشتا )
الموزة:بقولك لسة رايحين نجيبة (بصوت حنين  خالت الركاب تنام  )
الضابط :اة فهمت طب انتى اقصد انتوهترجعو امتى 
زكريا:هنرجع 
الضابط اخرس انت انا بكلمها هيا
الموزة :هنرجع الساعة 4الفجر 
الضابط :ياة لية كدا 
الموزة :اصل المرحوم كان بيحب السهر فكتب فى وصيتة انة يندفن الساعة 4
الضابط :طب يلا اطلع ياسطى قبل ما احصلة 
زكريا : الحمد لله انا مش عارف اقولك اية يا   هوانتى اسمك اية 
الموزة :الحقيقى ولا الدلع 
زكريا:لا الحقيقى 
الموزة :الحقيقى علياء والدلع نور
زكريا :هههههههههههههههههههه فكرتينى بواحد فاكر ان دلع زكريا مهند 
زكريا :بقولك اية متدينى نمرتك ممكن احتاجك
الموزة :فرح ولا سهرة خاصة 
زكريا : لا كمين 
الموزة :نعم 
زكريا :ايوة كمين كل لما الاقى كمين تيجى تطلعينى منة 
الموزة :لا ياخويا انا نشاطى افراح وحفلات وبس 
زكريا :ياستى ضيفى لنشاطك الكمين  عاوزين نقف جانب رجال الشرطة علشان يرجعو زى الاول (ياخدو الى فية النصيب ويعدونا )

انتظرو الحلقة القادمة فقط على مدونة 1000 خدمة

 تاليف/ احمد البراوى 

حقوق القاهرة

جميع الحقوق محفوظة لمدونة 1000 خدمة ولا يجوز النسخ الا بذكر المصدر كما لا يجوز فى اى حال من الاحوال ان تنسب هذه القصة الى شخص اخر