زكريا سائق ميكروباص
السلام عليكم
وعليكم السلام اهلا عمى اتفضل
عمة:اية يا زكريا والدك قالى انك مضايق ومبتروحش الجامعة
اية الى حصل
زكريا (هوانت ياحج لازم تسيح اول بول)لا ابدا مفيش انا
بس قولت احنا لسة فى اول الدراسة ومفيش حاجة مهمة دلوقتى فقولت اريح اسبوعين كدا
عمة:يعنى انت بخير
زكريا:متقلقش ياعمى انا تمام
عمة:طب بقولك بدل مانت قاعد كدا زى البنات ولا منك فايدة
انزل معايا الشغل
زكريا: (لازم الكلمتين دول هو محدش بيحترمنى لية) سواق
ميكروباص
عمة:ايوة ميكروباص وفيها اية يعنى
زكريا :مفيهاش بس دانا فى كلية حقوق
عمة:يعنى فاشل مجموع زى الزفت فى ثانوى وكلية فيها
10الاف محامى وكلهم زيك مش فهمين وفى الاخر هتيجى تتحايل عليا علشان اشغلك معايا
زكريا (انا عارف ان لسانة زفر مكنت سكت وخلاص) خلاص ياعمى انت هتحكيلى قصة حياتى قبل ما
اعيشها موافق
عمة:تمام انزل هتلاقى المفاتيح فى الميكروباص
زكريا:اية دا هو انا هبدا من دلوقتى
عمة:ايوة يلا هز طولك وكمان اية القناة الى انت جايبها
دى بتتفرج على كرتون انت مش مكسوف من نفسك
زكريا (يعنى حرام عليا وحلال عليك دانا بدخل عليك بلاقية
بتتفرج على توم وجيرى ) دا كان فية برنامج هيبدا وانا كنت مستنية
عمة:طب يلا انزل
اة بقولك هيا قناة مجلس الشعب على رقم كام عندكو
زكريا 99
عمة:دا رقم
زكريا (خلاص خليها 77 دانت خنيق)اصل انا كنت
عمة:خلاص انت هترغى يلا انزل
زكريا: سلام
(ينزل زكريا ويطلع تانى لعمة)
زكريا : اية دا ياعمى انت جايب على قناة الكرتون
عمة:ها لا دانا كنت عاوز اشوف البرنامج الى انت كنت
مستنية وكمان انت اية الى رجعك تانى
زكريا : الرخصة بتاعة العربية مش موجودة وكمان انا مش
معايا رخصة
عمة: واية يعنى دانت غريب اوى دانا ماشى من غير رخصة بقالى 7سنين
زكريا : طب لو عديت فى كمين
عمة : متخفش مفيش كمين فى الخط بتاعنا
زكريا :لية مش كان فية كمين على اول الطريق
عمة :ايوة بس دا كان قبل الثورة دلوقتى مفيش ويلا انزل
بقا علشان انا اتخنقت منك(ضيعت عليا الكرتون منك لله)
زكريا :خلاص سلام
(ينزل زكريا ويركب الميكروباص)
زكريا: بسم الله
يا مسهل الحال يارب اية دا فلاشة
اشطى يعنى اغانى وفرفشة تمام
(الدنيا زى المرجيحة يوم تحت وفوق) بس بس تحت اية وفوق
اية اية الاغانى دى ياعمى دانت مرجيحة خالص
انا احسن حاجة اشغل الكارت الميمورى بتاعى
(العنب العنب العنب ) ايوة كدا مش تحت وفوق الله قول
كمان يا حج
زكريا:نتكل على الله بقا واروح احمل من على المحطة
(ذهب الى المحطة )
زكريا : منيب منيب فاضى كراسى منيب
(العربية اتملت )
بسم الله انطلقى يا زوبة
(قوليلى يا خاينة يالى الشيطان وزك)
احد الركاب: استفغر الله العظيم اية قلة الادب دى
زكريا :اية يا شيخ دا الشيطان هو الى وزها مش انا على
العموم انا هغيرها
(شيطان وقال للعبد
)
الشيخ: استغفر الله العظيم
زكريا: اهدا يا
شيخ دا الشيطان هو الى قال مش انا على
العموم انا هغير الفلدر كلة واضح ان الشيطان هو الى مغنية
(اة يانا تعبانا )
استغفر الله العظيم
زكريا :ياشيخ متفهمش خلط دى عندها مغس (واضح ان الشيخ
هيقيم علينا الحد ) بقولك يا شيخ عاوز تسمع اية
ياشيخ (بصوت عالى اكثر ) ياشيخ
الشيخ نعم يا ابنى انت بتكلمنى انا
زكريا : ايوة بقولك عاوز تسمع اية
الشيخ : معلش ممكن تعلى حسك شوية اصل سمعى ضعيف
زكريا :(بصوت عالى)نعم طب كنت بتستغفر على اية لما انت
مش سامع
الشيخ :اصل فى واحد صحبى باعتلى رسالة بيقولى انة حجز
تذاكر لحفلة نانسى وانا مبحضرش غير حفلات هيفا
زكريا: انزل
الشيخ بس انا رايح المنيب
زكريا : انزل انزل دا اليوم باين من اولة
للحلقة بقية انتظرو زكريا والكمين
تاليف/ احمد البراوى
حقوق القاهرة
جميع الحقوق محفوظة لمدونة 1000 خدمة ولا يجوز النسخ الا بذكر المصدر كما لا يجوز فى اى حال من الاحوال ان تنسب هذه القصة الى شخص اخر
تعليقات
إرسال تعليق
مدونة 1000خدمة تسعى دائما لارضاء زوارنا لذلك نرجو منكم ارسال اى ملاحظة سلبية او ايجابية لنا لكى نستمر فى التطوير باذن الله