زكريا فى كلية الحقوق (قصة كوميدية) المشهد السادس: زكريا ينتخب الرئيس

زكريا ينتخب الرئيس

زكريا:صباح الخير يابابا
الوالد:صباح الخير اية والانتخابات قربت
زكريا:انتخابات اية
الوالد:كمان مش عارف انتخابات ايه انتخابات الرئاسة
زكريا:اة طب وانا مالى
الوالد:نعم انت مالك ازاى انت مش ناوى تنتخب
زكريا:ها لالا ناوى ان شاء الله
الوالد:طبعا هتنتخب محمد مرسى مرشح الاخوان
زكريا:طبعا طبعا بس لية دا بالذات
الوالد:اصلى سمعت انهم ناويين يفصلو بين الشباب والبنات فى الجامعة وانا خايف عليك
زكريا:(ودا سبب انى ادى صوتى لحد تانى) خلاص ياحج انا هنتخب مرشح الحرية والعدالة
الوالد:الحمد لله انا بقا هسيبك وانزل الشغل مع السلامة
زكريا:مع الف سلامة ياحج
تاتى الام من المطبخ ومعها ساندوتشات مجهزة قائلة
الام:انت صحيت يازكريا
زكريا:لا لسة
الام:انت بتهزر على الصبح والانتخابات قربت
زكريا:يعنى اية علاقة الانتخابات بالهزار وكمان مانا وعدت بابا خلاص انى هنتخب مرشح الاخوان عاوزين اية تانى
الام:تصرخ قائلة / كدا يازكريا ياخسارة تربيتى ليك بقا كدا يازكريا عاوز ابوك يتجوز عليا
زكريا:لية بس ياماما  بابا هيتجوز عليكى لية
الام:لان مرشح الحرية والعدالة لونجح ناوى يجوز كل راجل اربعة زى الشرع ما بيقول
 زكريا:(وهو مسرور) بجد يا ماما
الام:ومالك فرحان كدا لية
زكريا:لا انا مش فرحان افرح ازاى  انا خلاص مش هنتخبهم (قال اية والحج يقولى انا خايف عليك طول عمرة شقى)
الام:شاطر يازكريا انتخب بقى احمد شفيق
زكريا:حاضر بس لية يامى احمد شفيق هو وعدك انة هيطلقك من ابويا
الام:لا يا ناصح هو قال انة لما ينجح هيرجع الامن
زكريا:خلاص يامى هو احمد شفيق بعد اذنك بقى انزل اشوف عمى كان عاوزنى فى اية
(زكريا يذهب الى شقة عمة التى اسفل شقتهم)
زكريا :اية ياعمى كنت عاوزنى فى اية
عمة :كنت عاوز اعرف انت هتنزل الشغل تانى ولا لا
زكريا:لالا انزل فين ياعم دا هو يوم واحد سوقت فية الميكروباص بتاعك دا كنت هروح فى دهية
عمة:انت هتفضل طول عمرك جبان  وعلى كدا بقى ناوى تنتخب مين
زكريا: احمد شفيق
عمة :انت حمار شفيق اية دا فلول
زكريا:(طول عمرة بيحترمنى ) فلول اية بس ياعمى دا كلام
عمة:كلام اية دا فلول رسمى
زكريا:(والله شكلك ماتعرف يعنى اية فلول- بينى وبينكم وانا كمان معرفش) لا مادام الموضوع كدا لا يبقى مش هنتخبة
عمة:ايوة كدا انتخب حمدين صباحى
زكريا: حاضر هنتخب حمدين
(وظل زكريا قبل الانتخابات يخبر والدة انة سينتخب محمد مرسى ويخبر والدتة بانة سينتخب احمد شفيق ويخبر عمة بانة سينتخب حمدين)
وفى يوم الانتخابات كان الجميع مجتمع فى بيت زكريا وعندما عاد زكريا من الخارج سئلة الجميع فى نفس واحد
انتخبت مين
زكريا(هو صوتى انا هو اللى هينجح المرشح اللى عاوزة كل واحد فيكم) انا عاوز اقولكم ياجماعة كدا بصراحة انى
عمة:انتخبت حمدين صح
زكريا :لا
عمة :اتفوة عليك حيوان
زكريا :شكرا ياعمى
الوالد:يبقى انتخبت محمد مرسى
زكريا: بردة لا
الام : ابنى حبيبى انا كنت متاكدة انك مش هتكسفنى انتخبت شفيق صح
زكريا : الحقيقة يا امى لا
الام:انت طول عمرك فاشل مش ناصح غير فى الاكل وبس تفوة عليك وعلى تربيتك
زكريا : ياجماعة انا كنت عاوز اقولكم انكم نسيتو انى انا اصلا مطلعتش بطاقة رقم قومى يعنى مليش صوت انتخابى اصلا