زكريا فى كلية الحقوق (المشهد الثانى) زكريا ومجلس الشعب قصة كوميدية

زكريا ومجلس الشعب

بعد ان خرجت من الجامعة بعد ان انهيت يومى الاول بها وجدت اتوبيس يقف امام الجامعة فصعدت الية وجلست بجوار رجل متوسط السن يبدو انة فى الاربعين من عمرة لة لحية كثيفة وراى معى كتاب مدخل للعلوم القانونية فقال لى انت طالب فى كلية حقوق فقلت لة نعم فقال (واية رايك فى ما حدث فى مجلس الشعب امس)

ويبدو من سؤاله انة يريد منى تفسير على شئ قد حدث فى مجلس الشعب ولكنى لا اعلم هل ماحدث اعجبة ام لا وما هو اصلا الذى حدث ولكنى اجبتة وان اتظاهر باننى اعلم ماحدث(علشان اهرب من السؤال) هذا شئ فظيع فقال لى نعم انة كذلك فانا كنت مستاء مما حدث فقال لى ومارايك فى القوانين التى تحدثو عنها امس (والله هيا مش ناقصاك انت كمان ........ طبعا دا ماتحدثت بة الى نفسى سرا)

فاجبتة (علشان اهرب من السؤال تانى) والله هيا كويسة فقال نعم ماذا تقول (ويبدو علية الغضب) فاجبت مسرعا ولكنها لاتناسبنا فقال نعم انت بتقول اية  (يعم هيا عجباك ولا مش عجباك دانت خنيق ........طبعا فى سرى)فقلت لة بصراحة انا مشوفتش  الجلسة من اولها انا شوفت اخر ساعة منها بس فقال يعم ما انا اقصد اخر قانون تحدثو عنة (دانت رخم رخامة .........فى سرى طبعا) اة اة انت تقصد القانون بتاع اة اة وانت اية رايك فية(عاوز اعرف راية هو الاول بدل ما اقول حاجة متعجبهوش اصل شكلة يخوف ) فقال مبتسما انا متفرجتش على مجلس الشعب بس سمعت انها كانت جلسة تعارف وحلف القسم فقولت يمكن تحدثو عن قوانين ولا حاجة  فقمت من جانبة وذهبت الى مقدمة الاتوبيس لكى انزل منة بالرغم من انها ليست محطتى (تصدق انت راجل رخم وكائيب وشكل مراتك طردتك من البيت يا معفن ....المرادى بقا قولتها بجد )ونزلت من الاتوبيس مسرعا واتجهت الى اتوبيس اخر ووصلت الى البيت فوجدت ولدى يشاهد مجلس الشعب   ولدى  :حمدالله على السلامة يا متر اية اخبار الجامعة معاك

تمام الحمد لله فقال ولدى وهو يتباهى امام اقاربى (اهو زكريا بقى هو اللى هيفهمنا بتوع مجلس الشعب بيتكلمو عن اية( ياخويا متتمنظرش اوى كدا هو انا من اول يوم خلاص بقيت فاهم . طبعا فى سرى ) المهم جلست امام التلفاز لكى اشاهد مجلس الشعب فوجدت دكتور يدرس عندنا فى الكلية يتحدث فى مجلس الشعب فتحدثت مسرعا وانا مسرور هذا الرجل يدرس لى فى الكلية فوجدت عمى يقول لى بجد يا زكريا وولدى يقول لى برافو عليك يا زكريا (كانى جوبت على سؤال )وامى تزغرت واختى تصفق (هيا العيلة دى بتلزق فى اى حد فى مجلس الشعب دانا بقول بيدرس عندنا هو انا قولت ناوى يسكن معانا) المهم بعد الفرحة العارمة سئلنى ابن عمى مرة اخرى بردك مقولتلناش هما بيتكلمو عن اية (دانت رخم رخامة بشكلك دا ) دول بيتكلمو عن عن اة عن قوانين  ابن عمى ايوة قوانين اية يعنى (ماشى يابن الجزمة ربنا يزنقك ليلة ......... امين يارب) دى قوانين عن حقوق الانسان

عمى :يعنى اية (انا عرفت ابنك جايب الرخامة دى منين ) يعنى لو عاوز حقك تروح تكلم بتوع مجلس الشعب  ولدى :مش قولتلكم زكريا هو اللى هيفهمنا يلا بقا نروح نتغدى يلا يا زكريا لا انا مليش نفس روحو انتو ووجدت نفسى امام مجلس الشعب بمفردى فقلت يجب ان افهم ما يقولون فهذة المرة الثانية التى اتعرض لموقف حرج بسبب هذا المجلس فاستمعت الى مايقولة اعضاء المجلس فوجدت عضو لة لحية يشبة الرجل الذى كان يتحدث الى فى الاتوبيس يتحدث عن موضوع فيما يبدو انة مهم ولكنى لم افهم عن ماذا يتحدث ولكنى وجدت عضو اخر يقاطعة ويقول انا اعترض ورئيس الجلسة يقول لا تقاطعة ويستمر العضو فى الحديث ويقول عضو اخر انا اعترض (اصلهم حفظين مش فاهمين طلما الى بيتكلم بذقن يبقى لازم نعترض) المهم بعد حديث طويل جدا جدا لم افهم شيئا بالرغم من انى حاولت ان افهم ولكنى قمت بتغيير القناة فوجدت نفسى امام قناة ميلودى هيتس قناة الاغانى(والله بالصدفة بس صدفة حلوة دا كان فى حتة موزة بتغنى اى نعم صوتها وحش بس كانت صاروخ) والله احسن من مجلس الشعب دى الحاجات اللى محدش يعترض عليها انا بقا اشوف الكليب دا واقوم اريح شوية اة الواحد تعبان اوى

(طبعا مش من الكليب هو صحيح يتعب ويتعب اوى كمان بس انا كنت تعبان من مشوار الجامعة وزحمة الاتوبيس) استنونى لما اصحى واكمل معاكم حكايتى

سلام بقى عاوز انام (دانتو رغيين)

انتظرو المشهد الثالث زكريا والموزة الجامدة قريبا على مدونة 1000 خدمة

 تاليف/ احمد البراوى 

حقوق القاهرة

جميع الحقوق محفوظة لمدونة 1000 خدمة ولا يجوز النسخ الا بذكر المصدر كما لا يجوز فى اى حال من الاحوال ان تنسب هذه القصة الى شخص اخر