زكريا فى كلية الحقوق (المشهد الثالث)قصة كوميدية

هوفى حد قاعد جنبك (ايوة  لا) ايوة ولا لا (لا اتفضلى )شكرا

انا ريهام وانت (يتحدث زكريا بصوت منخفض اسمى زكريا )

ريهام الله زكريا اسم جميل

زكريا :بجد عجبك الاسم

ريهام :اة طبعا دا على اسم والدى

زكريا: بجد دا شرف ليا

ريهام :انت حضرت محضرات امبارح اصلى انا محضرتش

زكريا : (الحمد لله مشفتش الى حصل امبارح اتمنظر براحتى بقاJ)

ايوة انا حضرت وكتبت المحضرات كمان

ريهام :كويس طبعا هتدينى كشكول المحضرات انقل منة

زكريا طبعا اتفضلى

(ريهام تفتح الكشكول قائلة :الله خطك جميل يازكريا )

زكريا :بجد متعرفيش انا سعيد اد اية بكلامك دا

ريهام :اية دا الله انت الى راسم القلب الى فى الكشول دا

زكريا: يبدو علية الخجل (وشة ضرب الوان يا معلم) ايوة انا الى رسمتة عجبك

ريهام :طبعا زكريا انت انسان حساس انا حبيتك يازكريا

زكريا :انتى بتتكلمى بجد (مش مصدق نفسة اول مرة موزة تعبرة واية مش اى موزة دى صاروخ يامعلم)

ريهام :طبعا انا بموت فيك(زكريا)بموت فيك(زكريا)(زكريا)اصحى كدا هتتاخر على الجامعة(زكريا كان بيحلم كان فاكر نفسة مهند الموزة هتحبة علشان خطة)

زكريا:ماما اية دا انا كنت بحلم هيا الساعة كام

الام:الساعة 7.30

زكريا :خلاص انا هقوم اغير وانزل على الجامعة (زكريا يظبط نفسة ويروح على الجامعة) يارب الحلم يتحقق

دخل زكريا وجلس فى نفس البينج الى حلم انة كان جالس فية وبعد دقائق دخلت فتاة واقتربت منة

الفتاة:هو فية حد قاعد جنبك

زكريا :لا (شكل الحلم هيتحقق)

الفتاة :شكرا انا نور وانت

زكريا (بصوت عالى وبفخر ) اسمى زكريا

نور:هههههههههههههههه زكريا هههههههههه يابنى دا اسم اتلغى من سنة ستين ههههههههه

زكريا :(هو الحلم ماشى عكس لية مكان ماشى حلو) لا دا اسم الدلع

نور :دلع!لية انت اسمك الحقيقى اية؟

زكريا :اسمى اسمى اة مهند

نور :نعم مهند يبقى دلعة زكريا ودا من امتى ؟

زكريا :اصل والدتى كانت عاوزة تسمينى مهند وولدى عاوز يسمينى زكريا على اسم والدة فاتفقو انهم يسمونى مهند ويدلعونى زكريا

زكريا :المهم انتى حضرتى محضرات امبارح

نور :ايوة حضرت لية فى حاجة

زكريا :لا كنت بسأل بس (L يعنى شافت الى حصل امبارح)

زكريا: (مفيش غير انها تشوف خطى واكيد هتحبنى زى الى حصل فى الحلم)انا كتبت محضرات امبارح تاخدى الكشكول تنقليها

نور:يابنى هو فى حد بيكتب  دلوقتى محضرات كلة بيسجل على الموبايل

زكريا(Lطب اعمل اية علشان اخليها تشوف خطى )اة شوفتى القلب دا انا الى رسمة اة والله حلو صح

نور :هههههههه دانت اوفر اوى يازكريا قلب وحروف دا اية العبط دا دانت قديم اخر حاجة واية الخط دا دا نقش فراخ يابنى

(ياتى شخص ويتحدث الى نور )نور هاى انتى اية الى مقعدك جنب الواد بتاع الصبورة دا

نور:اصلى كنت عاوزة اضحك شوية دا طلع كوميدى اخر حاجة

(وطبعا هما فضلو يتكلمو عليا ويضحكو وانا كنت مستنى امى تصحينى ويطلع دا كابوس لاكن للاسفLLLLطلع حقيقة)

زكريا:بعد ازنكم انا ماشى

(هو انا كل يوم اجى الجامعة اتحرج انا احسن حاجة اقعد فى البيت او اشتغل ايوة اشتغل بس اشتغل فى اية )

(انتظرو زكريا سائق الميكروباص قريبا)