زكريا فى كلية الحقوق (المشهد السابع) زكريا /انا مش زملكاوى

جدوال المحاضرات جدول المحاضرات اة اهو
النهاردة عندى ثلاث محاضرات ربنا يسهل
ماما انا نازل عاوزة حاجة
الام :لا مع السلامة بس خلى بالك من نفسك وتعالى بدرى علشان زحمة المواصلات باليل ومتنساش تعدى على خالتك وانت راجع تشوفها خلصت الفستان ولا لا ان خلصتة هاتة معاك وانت نازل من عندها هتلاقى سوبر ماركت تحت العمارة عندهم هات منة جبنة وبيض للعشاء وبعدين روح عند ام محمد اللى فى اخر شارع خالتك وقولها امى بتقولك هاتى فلوس الجمعية وبعدين زكريا انت فين
زكريا (بعد ان ترك والدتة تحدث نفسها وخرج من المنزل) كل دا ومش عاوزة حاجة طب لو كانت عاوزة كانت طلبت اية وعاوزانى ارجع بدرى
ابراهيم البواب: اية ياستاذ زكريا ناويين تتغلبو كام المرا دىزكريا : نتغلب فى اية ياعم ابراهيم
ابراهيم: اية انت متعرفش ان ماتش القمة النهاردة
زكريا : يا نهار ابيض دا كدا المواصلا هتبقى زحمة موت وانا راجع
(يصل زكريا الجامعة ويلتقى بزميلة الوحيد فى الجامعة عبده فلسفة )
زكريا : ازيك ياعبده عامل اية
عبده: تمام انت اية اخبارك
زكريا : زى الفل كلة تمام صحيح ياعبده انت بتشجع مين
عبده : بس يا زكريا الكورة دى لا تستهوينى بالقدر الكافى الذى تستهوينى بة لعبتى المفضلة التى نشأت منذ قديم الازل والتى هى عنوان الحضارة المصرية فهى..... يقاطعة زكريا انت بتقول اية انا بسئلك انت بتشجع مين
عبده : انا مبشجعش حد انا لا تستهوينى لعبة كرة القدم فانا احب افضل الرياضات نشاطا وحيوية الرياضة التى صنعت ابطال
زكريا : الله يخرب بيت اللى يسئلك انا عرفت هما مسمينك عبده فلسفة لية طب اية هيا الرياضة اللى انت بتتغزل فيها كل دا...... بس انطق على طول
عبده : انى اعشق لعب البلى
زكريا : عبده احنا نعرف بعض بقلنا اد اية
عبده : ياة يجيى من اسبوعين كدا
زكريا : كفايا عليك كدا ياعبده
(يدخل زكريا المدرج ويحاول ان يتعرف على اصدقاء جدد فهو لا يعرف احد سوى عبده فلسفة وانتو طبعا عرفتو مين عبده فلسفة)
زكريا : السلام عليكم انا زكريا
مجموعة طلاب: اهلا وسهلا
زكريا : ممكن اتعرف عليكم لانى انا معرفش حد هنا
احد الطلاب : اة طبعا طبعا انا احمد ودا على ودا محمد ودى لمياء ودى اسراء
زكريا : اهلا وسهلا
محمد : بما انك انضميت لينا تشاركنا الحوار اية رئيك
زكريا: موافق طبعا  انتو بتتكلمو فى اية
على : بس ياسيدى احنا بنتكلم عن مبارة النهاردة  اة الاول انت اهلاوى ولا زملكاوى
زكريا : انا والدى قالى خليك زملكاوى
لمياء : ياعينى والدك معندوش رحمة
زكريا : لا انا والدى عنده هبة اختى الصغيرة  
اسراء : ياسلام دانت ليك فى الهزار
احمد : بص يازكريا انا حاسس بيك  وعارف انك ياما اتعرضت لمشاكل ومواقف محرجة بسبب انتمائك للزمالك
بس متخفش انا كنت زيك كدا زملكاوى بس الحمد لله ربنا كرامنى ورحت اتعلجت وخفيت دلوقتى وبشجع انبى
زكريا : فعلا انا لما حد بيسألنى انت بتشجع مين واقولة انى زملكاوى يتريق عليا   بس انا اعمل اية
لمياء : طول وانت ماشى قول ( انا مش زملكاوى ) لمدة خمس ايام متواصلة وانت هتشوف النتيجة

ينهى زكريا يومة فى الجامعة عائدا الى منزلة
زكريا : (محدثا نفسة) انا مش زملكاوى انا مش زملكاوى
ابراهيم البواب : حمدالله على السلامة ياستاذ زكريا
زكريا: انا مش زملكاوى انا مش زملكاوى
ابراهيم: يا حول الله دا لسة الماتش هيتلعب ياستاذ زكريا
(زكريا يدخل شقتهم )
والدة : تعالى يازكريا الماتش بدا
زكريا : انا مش زملكاوى
والدة : انت بتقول اية
زكريا : والدى انا مش عاوز ابقى زملكاوى انا لسة صغير
والدة : لا يازكريا الزمالك حلو
زكريا : يا حاج انا بقالى 5سنين من يوم معرفت ياعنى اية كورة بشجع الزمالك ومخدناش ولا بطولة
والدة : يمكن العيب فيك يازكريا
زكريا : بس انا عاوز اغير
والدة : خلاص يابنى القرار قرارك ( كان نفسى جدك يدينى الفرصة دى انا كمان كان زمانى بشجع الترسانة)
زكريا : خلاص انا الماتش دا هشجع الاهلى
والدة : براحتك يابنى كل شيئ اسمة ونصيب
يبدا اللقاء وبعد هجمات هنا وهناك ومبارة رائعة قدمها النادى الاهلى خسر الاهلى 4صفر
وطلع العيب فى زكريا مش فى الزمالك
رسالة  لمسؤلى الزمالك انتو كدا  العيب فى زكريا 